გამოიყენეთ კონტაქტის ფორმა ან მოგვწერეთ შემდეგ ელექტრონულ მისამართზე: solidaritytbilisi@gmail.com
არ იბრძოლოთ მარტო! დაგვიკავშირდით!
დღეს, საქართველოში, ადამიანებს საკმაოდ რთულ პირობებში უწევთ მუშაობა. დასაქმება წარმოადგენს არა წინაპირობას ღირსეული ცხოვრებისთვის, არამედ თვითგადარჩენისთვის ბრძოლას. მიუხედავად იმისა, რომ გარკვეული უფლებები შრომის კოდექსით არის დაცული, დამსაქმებლები და კომპანიები ბოროტად იყენებენ უმუშევრობას და მძიმე სოციალურ ფონს: არაფრად აგდებენ კანონს, სახელმწიფოც უმოქმედოა და თვალს ხუჭავს შრომითი უფლებების დარღვევებზე.
ჩვენ ვთვლით, რომ უკეთესი ხელფასების, სამუშაო ადგილების და შრომითი პირობების მიღწევა მხოლოდ ჩვენი, მშრომელი ადამიანების ბრძოლით არის შესაძლებელი. ამიტომ შევქმენით მოხალისეობრივი გაერთიანება „თბილისის სოლიდარობის ქსელი,“ რომელიც ცდილობს სხვადასხვა სამუშაო ადგილზე დასაქმებული ადამიანების ერთმანეთთან დაკავშირებას, საერთო მიზნის გარშემო გაერთიანებას და ჩვენს საზოგადოებაში სოლიდარობის გაღვივებას.